බහ තෝරපු මව් හීනය

බෝණික්කන් අතින් පයින් එල්ලගෙන
මේසරෙද්ද සාරියකට පටලගෙන
බේත් කුප්පි බඩු මල්ලට දමාගෙන
වැඩ ඩිංගිත්ත අම්මෙක් මං හිතාගෙන

හුනු කූරට පාට වෙච්චි දෑත් පොඩි
ගුටි කෑමට පුරුදු වෙච්චි ගසකි පොඩි
චූටි ඇගට කැරකවෙච්චි ඔසරි පොඩි
ටීච වෙන්න කැමති වෙච්චි දෝණි පොඩි

ප්ලාස්ටික් නලාවකි කර වටකරගත්
අම්ම අප්ප නංගි මල්ලි ලෙඩ කරගත්
බෙහෙත් තුන්ඩු පොඞ්ඩි ලියයි හතිදාගත්
ඩොක්ටර් කෙනෙක් වෙන්ට කැමති දුව කොහොමත්

තව ටික දිනක් වෙයි ශිෂ්‍යත්වෙට ඇත්තේ
මම ගැන ලියන හැම රචනාවක ඇත්තේ
අන්තිමටයි හදුනාගන්නට ඇත්තේ
හොද පුරවැසියෙකු වීමයි දැන් මට ඇත්තේ

විභාග ලියන එකනම් හරි එපාවෙතී
අනෙක් හමදේම කැපකර ගන්ට වෙතී
දුක් විදිනවා අවුරුදු දින මාස සතී
යන්තං ටිකක් පාස් උනොත් මටත් ඇතී

අහසට මැවූ හීනවලට කෙලවෙච්චි
නලා හුණු කූරු එළියට විසි වෙච්චි
හරි කාලෙට මගුලක් නම් පැටලිච්චි
බහ තෝරපු මව් හීනය එලිවෙච්චි