බස් ගමන

දවසක් දා ගමනක් යන්න හිතාගෙන
බඩු මල්ලත් ලක ලෑස්ති කොරාගෙන
සෙනග පිරී උතුරා යන බස් එකට 
නැග්ගයි ඔන්න පළවෙනියට මුණ ගැහුුණ

වැටෙන් නැතුව අල්ල ගන්න හිතාගෙන
බඩු මල්ලත් අතකට හිර කොරාගෙන
අමාරුවෙන් ඉස්සරහට ඇදෙන කොට
රුව්වයි මට විලාසෙකට ගිලගන්න 

මුළු ජිීවිතේ ගත කරන්න හිතාගෙන
ළග ඉන්න උන් යට කරගෙන මරාගෙන
හදිස්සියේ හිස් උන එක් අසුනකට
පොරකයි වෙහෙස වෙයි ටිකකට ඉදගන්න

බස් එක ලෝඞ් නේ කොහොමත් හිතාගෙන
ලග උන් අයට විදියක් නෑ තේරෙන්න
පිරිමින් වට පිටේ ඉන්නා ගෑනුන්ට
ට‍්‍රයි එක දමයි කිටි කිටියට ලං වෙන්න

ඉඩ ඩිංගක් දෙයි මට යැයි හිතාගෙන
වට පිට බල බලා අසුනක් සොයාගෙන
වියපත් ඈයො අපහසුවෙන් ඉන්න විට
වැටි වැටි නිදයි වෙන හින්දා ඉඩ දෙන්න

අනේ ඉතින් ගමනක් යන්න හිතාගෙන
බස් එක ඇතුලෙ වුනු ජරමර බලාගෙන
හිතෙන් බැන බැන බැනා නැගගත් ගොන් කමට
බැස්සයි බස් එකෙන් බාගෙට මැරීගෙන