නළු පාලනේ

දමා මේකප් සුදු මුහුණකට
දේශපාලන කියන රැල්ලට
පේ‍්‍රක්ෂක දුක් නිවා දමනට
උඩගු නළු නිළි බහී පහළට

නිරන්තර ලැබෙයි මිනිසුන්ගේ ආලේ
හරකුන් ලෙසින් උන් ඉන්නව ඇති ගාලේ
ආදරයයි මේ බලයයි ඇති වේලේ
මේක තමයි ඡන්දෙ ගන්න හොද කාලේ

අකමැත්තෙන් උනත් මම ආවා ඔන්න
මට  ඕනෙනෑ ලොකු බලයක් අරගන්න
මෙතුමාගෙත් දෑත ශක්තිමත් වෙන්න
ආසයි තැනක් අරගෙන පිහිටක් දෙන්න

ඇත්තට අනේ මම දන්නේ නෑ  ඕවා
උගත් මොකට කරන්න මහජන සේවා
ඇට‍්‍රෑක්ටිව් හැර වෙන කුමටද ඒවා
මම දන්නව කියන්ට නම් ජය වේවා

රගපාලා බෑ ඔයාට ලං වෙන්නට
මගේ හිතේ ඇති දේවල් කියවන්ට
මගෙ දැනුමෙන් අමතනවා අහගන්ට
විසි තුන් වෙනිද හවසට කොළඹට එන්ට

මේකෙ ඉදලා නෑ තව මට හරියන්නේ
කලර් එකත් නෑ හරියට මැච් වෙන්නේ
ඔබලා ගැන හිතන්න මම සැරසෙන්නේ
කොළඹට නෙවෙයි නුවරට හෙට මම එන්නෙ